خضدار ( نامہ نگار ) خضدار میں مبینہ طور پر ہیروئن کے عادی افراد کی جانب سے چوری کی وارداتوں میں مسلسل اضافہ دیکھنے میں آ رہا ہے، جس کے باعث شہری شدید خوف اور عدم تحفظ کا شکار ہیں۔ مقامی افراد کا کہنا ہے کہ تقریباً روزانہ کسی نہ کسی دکان، گھر یا کاروباری مرکز کو نشانہ بنایا جاتا ہے اور قیمتی سامان چوری کر لیا جاتا ہے۔ شہریوں کے مطابق یہ عناصر غریب، محنت کش افراد اور یہاں تک کہ صحافیوں کو بھی نہیں بخشتے۔ شہریوں کا کہنا ہے کہ بعض منشیات کے عادی افراد دن کے وقت مختلف علاقوں کی نقل و حرکت اور معلومات حاصل کرتے ہیں، جبکہ رات کے وقت انہی مقامات پر چوری کی وارداتیں کرتے ہیں۔ بعض شہری پولیس کی کارکردگی پر بھی سوالات اٹھاتے ہوئے مؤقف اختیار کرتے ہیں کہ چوری کی بڑھتی ہوئی وارداتوں کے باوجود مؤثر کارروائی نظر نہیں آ رہی۔ ان کا مطالبہ ہے کہ ان الزامات کی شفاف تحقیقات کی جائیں اور اگر کسی اہلکار کی غفلت یا مبینہ ملی بھگت ثابت ہو تو اس کے خلاف بھی قانون کے مطابق سخت کارروائی کی جائے۔ متاثرہ شہریوں نے ضلعی انتظامیہ اور پولیس کے اعلیٰ حکام سے مطالبہ کیا ہے کہ خضدار میں بڑھتی ہوئی چوری کی وارداتوں کا فوری نوٹس لیا جائے، ملوث عناصر کو گرفتار کر کے قانون کے مطابق سخت سزا دی جائے، تاکہ شہریوں کے جان و مال کا تحفظ یقینی بنایا جا سکے۔
Ssp Khuzdar
خضدار میں بڑھتی ہوئی چوری کی وارداتیں، شہری عدم تحفظ کا شکار
خضدار میں مبینہ طور پر ہیروئن کے عادی افراد کی جانب سے چوری کی وارداتوں میں مسلسل اضافہ دیکھنے میں آ رہا ہے، جس کے باعث شہری شدید خوف اور عدم تحفظ کا شکار ہیں۔ مقامی افراد کا کہنا ہے کہ تقریباً روزانہ کسی نہ کسی دکان، گھر یا کاروباری مرکز کو نشانہ بنایا جاتا ہے اور قیمتی سامان چوری کر لیا جاتا ہے۔ شہریوں کے مطابق یہ عناصر غریب، محنت کش افراد اور یہاں تک کہ صحافیوں کو بھی نہیں بخشتے۔ شہریوں کا کہنا ہے کہ بعض منشیات کے عادی افراد دن کے وقت مختلف علاقوں کی نقل و حرکت اور معلومات حاصل کرتے ہیں، جبکہ رات کے وقت انہی مقامات پر چوری کی وارداتیں کرتے ہیں۔ بعض شہری پولیس کی کارکردگی پر بھی سوالات اٹھاتے ہوئے مؤقف اختیار کرتے ہیں کہ چوری کی بڑھتی ہوئی وارداتوں کے باوجود مؤثر کارروائی نظر نہیں آ رہی۔ ان کا مطالبہ ہے کہ ان الزامات کی شفاف تحقیقات کی جائیں اور اگر کسی اہلکار کی غفلت یا مبینہ ملی بھگت ثابت ہو تو اس کے خلاف بھی قانون کے مطابق سخت کارروائی کی جائے۔ متاثرہ شہریوں نے ضلعی انتظامیہ اور پولیس کے اعلیٰ حکام سے مطالبہ کیا ہے کہ خضدار میں بڑھتی ہوئی چوری کی وارداتوں کا فوری نوٹس لیا جائے، ملوث عناصر کو گرفتار کر کے قانون کے مطابق سخت سزا دی جائے، تاکہ شہریوں کے جان و مال کا تحفظ یقینی بنایا جا سکے۔