نوشکی ( نامہ نگار ) یاسمین بلوچ استاد انور ءِ چُک اِنت استاد انور نوشکی ءِ جھمنند اِنت استاد انور ءٙ پنچ شش سال اِنت کہ یاسیمن ءٙ بینجو ھیل دئیگ ءٙ اِنت۔ استاد انور وت یک مزنیں نامے کہ آ بینجو وش جنت سادہ بینجو ءُ الیکٹرک بینجو جوڈ کنت شوکیں پیکپ ھم جوڈ کنت۔ استاد انور ءُ یاسمین ءِ جند ءِ مھنتانی برکت ءٙ یاسمین بلوچ نوں ھمے اسٹیج ءٙ رستگ کہ آ وت بینجو شریں وڑے ءٙ جت کنت۔ 2026 ءِ جنوری ءٙ آرٹس کونسل کراچی ءٙ فیسٹیولے بوھگ ءٙ اِنت ھمے فیسٹیول ءٙ بلوچ زالبول میوزیکل پروگرامے کناں اے پروگرام ءِ تہ ءٙ یاسمین انور بینجو جنت سیمُک ڈاکٹر امداد ءُ نوشین کمبرانی سوت گْوش اٙنت خاوند بگٹی ءِ جنکے ڈمبورگ جنت ءُ چہ نوشکی ءٙ دگہ جنکے ردھم جنت۔ اے باز وشیں گپے کہ پِت وتی جنکاں دیما آیگ ءٙ مدت کنگ ءٙ اٙنت کہ آیانی ٹیلنٹ زیان نہ بنت۔ ھر پِڑ ءٙ بلوچ زالبولانی دیما آیگ بلوچ ءِ سوبمندی اِنت۔