کیچ ( نامہ نگار ) ضلع کیچ کے علاقے مند میں اپسار ندی سے گزشتہ شب برآمد ہونے والی نامعلوم شخص کے لاش کی شناخت اسماعیل ولد نذیر ساکن کہنک کے نام سے کر لی گئی ہے۔
پولیس کے مطابق جلال آباد اور تلمب کے درمیانی مقام پر واقع اپسار ندی میں ایک لاش گزشتہ رات مقامی افراد کو نظر آئی تھی جسے آج (پیر) کی صبح پولیس نے مقامی لوگوں کے ہمراہ نکال کر ضروری کارروائی کے بعد ورثا کے حوالے کر دیا۔
مقامی ذرائع کے مطابق مقتول اسماعیل کو تقریباً بیس روز قبل بودیگ ڈیم کے قریب نامعلوم مسلح افراد نے اغوا کیا تھا۔ گزشتہ شب اس کی گولیوں سے چھلنی لاش ندی کے قریب سے برآمد ہوئی ہے ۔