پنجگور،جھاؤ( ویب ڈیسک ) پنجگور میں میں گزشتہ شب مسلح افراد کی فائرنگ سے ایک شخص ہلاک اور ایک زخمی ہو گئے زخمی اور ہلاک ہونے والے آپس میں بھائی بتائے جاتے ہیں. ذرائع کے مطابق گزشتہ رات تقریباً 11 بجے کے قریب مسلح حملہ آوروں نے پنجگور کے علاقے گرمکان میں ریاستی پشت پناہی میں کام کرنے والے ڈیتھ اسکواڈ کے ارکان پر حملہ کیا۔ حملے کے نتیجے میں رحمت اللہ ولد حمید ہلاک جبکہ اس کا چھوٹا بھائی سعد اللہ زخمی ہو گیا۔ اطلاعات کے مطابق، حملہ آور ہلاک کارندے کا اسلحہ بھی اپنے ساتھ لے گئے۔واقعے کے بعد فورسز نے علاقے کو گھیرے میں لے کر سرچ آپریشن شروع کر دی ہے.
دوسری جانب ضلع آواران کے علاقے جھاؤ میں مسلح افراد نے ڈیتھ اسکواڈ کے ایک سرغنہ کو حملے میں نشانہ بنا کر ہلاک کر دیا گیا ہے ۔
ذرائع کے مطابق، آج صبح تقریباً 11 بجے جھاؤ کے واجہ باگ بازار میں مسلح افراد نے نیک جان محمد حسنیٰ ولد دز نورو کو نشانہ بنایا، جس کے نتیجے میں وہ موقع پر ہی ہلاک ہو گیا۔ بعد ازاں اس کی لاش کو ضروری کارروائی کے لیے اسپتال منتقل کر دیا گیا۔
بتایا جا رہا ہے کہ نیک جان محمد حسنیٰ پاکستانی فوج کی سرپرستی میں سرگرم مسلح گروہ ڈیتھ اسکواڈ کا ایک اہم سرغنہ تھا، جو متعدد بلوچ سرمچاروں اور بے گناہ شہریوں کی شہادت اور جبری گمشدگیوں میں ملوث رہا ہے۔
تاحال ان حملوں کی ذمہ داری کسی تنظیم نے قبول نہیں کی ہے۔