سوراب ( بلوچستان ٹوڈے )بی این پی کی اپیل پر بلوچستان بھر کی طرح ضلع سوراب میں بھی شٹر ڈاؤن ہڑتال جاری تمام کاروباری مراکز بند ،جبکہ کے بلوچستان نیشنل پارٹی (بی این پی) مینگل کی اپیل پر آج صوبے بھر میں بھی ہڑتال کی جارہی ہے، جب کہ بی این پی کا لکپاس پر دھرنا جاری ہے۔ہمارا بلوچستان نیوز کے مطابق بلوچستان کے ضلع گوادر میں بھی دفعہ 144 نافذ کردی گئی ہے، انتظامیہ نے واضح کیا ہے کہ کسی فرد یا گروہ کو لانگ مارچ کی اجازت نہیں دی جائے گی۔دوسری جانب بی این پی کا کوئٹہ تک لانگ مارچ 6 اپریل کی ڈیڈ لائن ختم ہونے کے باوجود صوبائی دارالحکومت کی جانب نہیں بڑھ سکا، جب کہ پارٹی رہنما اختر مینگل کی گرفتاری کے لیے احتجاجی کیمپ کے ارد گرد قانون نافذ کرنے والے اداروں کی بھاری نفری تعینات کر دی گئی۔حکومت کی جانب سے لانگ مارچ کو روکنے کے اقدامات کی روشنی میں سردار اختر مینگل نے آج (پیر) صوبے بھر میں شٹر ڈاؤن ہڑتال کا اعلان کر دیا تھا، اور اپنے مطالبات کی منظوری تک کوئٹہ کے مضافات میں لکپاس پر دھرنا جاری رکھنے کا عزم دہرایا۔