کیچ ( نامہ نگار ) بلوچستان ضلع کیچ تمپ میں مسلح افراد نے فائرنگ کرکے ایک شخص کو ہلاک کردیا۔
اطلاعات کے مطابق تمپ بالیچہ میں مسلح افراد نے فائرنگ کرکے شیہک نور ولد نورجان سکنہ رودبن کو شدید زخمی کردیا۔ بتایا جا رہا ہے کہ گولی ان کے سر پر لگی اور انہیں ہسپتال منتقل کیا گیا تاہم وہ زخموں کی تاب نہ لاتے ہوئے چل بسا۔
قتل کی وجہ تاحال معلوم نہیں ہوسکا ہے۔
اورماڑہ: تربت سے کراچی جانے والی کرولا گاڑی حادثے کا شکار، حادثے کے نتیجے میں نصر اللہ اور عبد الرحمن نامی دو افراد زخمی ہوئے۔ زخمی ہونے والے دونوں افراد کا تعلق کیچ کے مرکزی شہر تربت سے بتایا جاتا ہے۔
تاہم حادثے کی اطلاع ملنے پر ریسکیو 1122 اور کوسٹل ہائی وے پولیس کے اہلکاروں نے بروقت جائے وقوعہ پر پہنچ کر دونوں زخمیوں کو ریسکیو کر کے بذریعہ ایمبولینس اورماڑہ میں پی این ایس درمان جاہ ہسپتال منتقل کر دیا جہاں انہیں طبی امداد فراہم کی جارہی ہے۔