خضدار جبری بلوچ لاپتہ افراد کی عدم بازیابی و ماورائے عدالت قتل کیخلاف تربت تا شال لانگ مارچ خضدار پہنچنے اور رات پڑاو کرنے اور دھرنا دینے کے بعد آج بروز 10 تاریخ انسانی حقوق کے عالمی دن کے موقع پر بلوچ یکجہتی کمیٹی کی تحریک کے اٹھارویں دن خضدار شہر میں شہید پروفیسر عبدل رزاق چوک سے احتجاجی ریلی نکالی گئی ۔
بعد ازاں لانگ مارچ کا قافلہ سوراب کیلے روانہ ہوگیا ۔
اس موقع پر بلوچ یکجہتی کمیٹی نے اپنے جاری پیغام میں ایک کہا کہ بلوچستان میں انسانی حقوق کی خلاف ورزیاں سنگین سطح پر ہیں۔
اس وقت بھی بلوچستان بھر سے جبری گمشدگیوں کے واقعات رپورٹ ہو رہے ہیں ۔ اس ظلم و بربریت کے خاتمے کے لیے بلوچ یکجہتی کمیٹی کا احتجاج جاری رہے گا ۔
بلوچستان کے باشعور عوام سے اپیل ہے کہ وہ لانگ مارچ کا حصہ بنیں ۔جبری لاپتہ ہونے والوں کے اہل خانہ سے اپیل کرتے ہوئے کہ وہ آئیں مارچ میں اپنے پیاروں کے کیسز جمع کروائیں۔ اگر ہم ظلم کے اس نظام کو روکنا چاہتے ہیں۔اور بربریت کے خلاف ، ہمیں اس جاری جدوجہد کا حصہ بننا چاہیے جس کے بغیر ہماری بقا بالکل بھی محفوظ نہیں ہو سکتی ہے۔