کوئٹہ بلوچ نسل کشی، زیر حراست لاپتہ بلوچوں کی جعلی مقابلوں میں قتل اور انسانی حقوق کی پامالیوں کیخلاف بلوچ یکجہتی کمیٹی کی جانب سے بلوچ لاپتہ افراد کے لواحقین کا تربت تا شال لانگ مارچ شال پہنچ گیا۔
لواحقین کے لانگ مارچ کو مختلف اضلاع میں روکنے کی کوشش کے باوجود شرکاءتمام رکاوٹوں کو عبور کرتے ہوئے کوئٹہ پہنچ گئے۔
بتایا جارہاہے کہ لانگ مارچ کو کوئٹہ میں داخل ہونے سے روکنے کیلئے سریاب روڈ پر بھی پولیس کی جانب سے رکاوٹیں کھڑی کرکے روکنے کی کوشش کی گئی۔
لواحقین کے لانگ مارچ کو شال ریڈ زون میں پہنچنے سے روکنے کیلئے ریڈ زون کے اطراف کنٹینر لگا کر راستے بند کردیے گئے اور پولیس اور فورسز کی بھاری نفری تعینات کردی گئی ہے۔
ان کا کہنا ہے کہ اس سے قبل مستونگ میں بھی لانگ مارچ کو روکنے کی کوشش کرتے ہوئے راستے میں رکاوٹیں کھڑی کی گئیں تھیں ۔