تربت نودز اور خیر آباد کے حدود میں نامعلوم موٹر سائیکل سواروں نے اعجاز ولد مراد محمد نامی شخص کو گولی مار کر ہلاک کر دیا اور فرار ہوگئے۔
واقع کے بعد نعش ناصر آباد ہسپتال منتقل کردیا گیاہے۔
پنجگور کہن زنگی میں دھماکے سے منہدم ہونے والے مکان سے ایک شخص کی نعش نکال لی گئی جس کی شناخت مسعود احمد ولد محمد عثمان کے نام سے ہواہے ۔
حب اتوار کی شب حب شہر میں سوک سینٹر کے قریب دو موٹر سائیکل سوار مسلح افراد نے ناگزیر وجوہات کی بناپر وہاں کھڑے 32سالہ شخص عبدالغفور جاموٹ نامی شخص پر اندھا دھند فائرنگ کردی جسکے نتیجے میں وہ شدید زخمی ہوگیا جو بعد ازاں ہسپتال منتقلی کے دوران زخموں کی تاب نہ لاتے ہوئے دم توڑ گیا ۔
پولیس کے مطابق مقتول ضلع لسبیلہ کے علاقہ کنراج کا رہائشی تھا اور اسوقت جام کالونی حب میں رہائش پذیر تھے۔
کراچی سے پنجگور جانے والی بس کو حادثہ، 2افراد ھلاک جبکہ متعددزخمی ہو گئے۔ ذرائع کے مطابق ، ہڑمبو چڑھائی کے مقام پرکراچی سے پنجگور جانے والی بس موڑ کاٹتے ہوئے الٹ گئی ، جس کے نتیجے میں 2افراد
مختار اور خدارحیم ساکنان پنجگور نامی افراد ھلاک جبکہ 6 افراد زخمی , زخمیوں کی حالت خطرے سے باہر بتائی جارہی ہے۔
دریں اثناء خضدارسلطان آباد واپڈا آفس کے ایریا میں تیز رفتارٹریکٹر نے 14 سالہ بچے کو کچل ڈالا جس سے بچہ موقع پر ہی ھلاک ہو گیا۔ حادثہ کے متعلق مزید تفتیش پولیس کر رہی ہے۔