ڈیرہ بگٹی بلوچ لبریشن ٹائیگرز کے ترجمان میران بلوچ نے میڈیا کو جاری کردہ بیان میں کہا ہے کہ بلوچستان کے ضلع ڈیرہ بگٹی کی تحصیل سوئی کے نواحی علاقے رئیس توخ اور گردو نواح میں مقیم مقامی آبادیوں پر آج صبح پاکستانی فوج نے ایک وسیع آپریشن کا آغاز کرکے نہتے لوگوں کو نشانہ بنا شروع کردیا جس کے ردعمل میں بی ایل ٹی کے ساتھیوں نے عام لوگوں کے دفاع کیلئے مزکورہ علاقوں میں پہنچ کر فورسز کے حملے کو پسپاء کردیا۔
انھوں نے کہاہے کہ دن بھر جاری رہنے والے جھڑپوں میں دس اہلکار ہلاک اور بارہ اہلکار زخمی کردیئے ہیں ۔ جبکہ بی ایل ٹی کے ساتھیوں نے دو فوجی گاڈیوں کو بھی تحویل میں لیکر نظر آتش کردیا۔
میران بلوچ کا کہنا ہے کہ بلوچ عوام کے دفاع میں ہر محاذ پر دشمن کے مقابلے کیلئے ہمہ وقت تیار ہیں اور ہر بدمعاشی کا منہ توڑ جواب دیا جائے گا۔