گوادر ( اسٹاف رپورٹرز سے )
بلوچ لبریشن آرمی کے ترجمان آزاد بلوچ نے جاری بیان میں کہا ہے کہ سرمچاروں نے گزشتہ شب ساڑھے 11 بجے مقبوضہ بلوچستان کے علاقے جیوانی میں قابض پاکستانی خفیہ ادارے ملٹری انٹیلیجنس (ایم آئی) کے کارندے نصیر کو فائرنگ کرکے ہلاک کردیا۔
انھوں نے کہا مذکورہ شخص کا بنیادی تعلق مانسہرہ سے تھا اور گزشتہ ایک دہائی سے ایم آئی کی سرپرستی میں کام کررہا تھا۔
اس سے قبل گوادر تربت پیشکان کے علاوہ مغربی بلوچستان میں بھی ایک عرصے تک پاکستانی خفیہ ادارے کیلئے کام کرچکا ہے۔
آزاد بلوچ نے کہا کہ پاکستانی ایجنٹ نصیر خفیہ اداروں کا باقاعدہ ایک تربیت آفتہ کارندہ تھا، جسے متعدد زبانوں پر عبور حاصل تھا ،جوکہ انتہائی شاطرانہ انداز میں مقامی بلوچوں کی مخبری کرتا تھا۔
انھوں نے کہا مزکورہ شخص بلوچستان کے مختلف علاقوں میں ہر چند ماہ بعد کاروبار اور رہائش بدلتا تھا اور لوگوں کو نوکری کا کہہ کر ایم آئی کیلئے کام کرنے کیلئے اکساتا رہتا تھا۔
آزاد بلوچ نے اپنے بیان میں کہا ہے کہ بی ایل اے ایک مرتبہ پھر جیونی اور گردونواح میں پاکستانی فوج اور ایجنسیوں کے لوکل آلہ کاروں کو تنبیہ کرتی ہے کہ وہ دشمن سے اپنے تعلقات فوری طور پر ختم کر کے ایک عام بلوچ کی زندگی گزاریں، بصورت دیگر انکا انجام بھی نصیر جیسا ہوگا،
آزاد بلوچ اپنے ایک اور پیغام میں کہاہے کہ ہم تمام معزز بلوچ خاندانوں کو بھی ہدایت کرتے ہیں کہ اپنے نوجوانوں پر نظر رکھ کر انہیں خفیہ اداروں کے ہاتھوں استعمال ہونے سے بچائیں۔
