بی وائی سی ، متاثرین کی بحالی، امدادی سرگرمیاں دوسرے روز بھی جاری

کراچی ( اسٹاف رپورٹرز سے) سبی بلوچ یکجہتی کمیٹی کراچی کی جانب سے سبی کے سیلاب زدگان کی بحالی کے لئے امدادی سرگرمیاں دوسرے روز بھی جاری ر ہے۔ منگل کے روز ضلع سبی کے علاقے کنڈی وا میر پور, مل بوژیری اور لہڑی میں بلوچ یکجہتی کمیٹی کراچی کے رضاکاروں نے متاثرین میں نقد کیش، کمبل، کپڑے، لحاف، گھی، چاول، دال، چینی، سمیت دیگر اشیا تقسیم کئے۔ انھوں نے سیلاب سے متاثرین کی بحالی کا کام ہفتہ کے روز شروع کیا تھا۔ جو تاحال جاری ہیں ۔ اس وقت بھی بی وائی سی کے رضاکار متاثرین میں امدادی سامان تقسیم کرنے میں مصروف ہیں۔ اس کھیپ میں ادویات کی بھی بڑی مقدار موجود ہے۔ باخبر ذرائع مطابق علاقے میں سیلابی صورتحال کی وجہ سے وبائی امراض پھیل چکی ہے۔ رضاکاروں نے مریضوں میں ادویات بھی تقسیم کئے ہیں ۔