کیچ: مزن بند ءَ پاکستانی لشکر ءِ لشکرکشی برجاہ اِنت، جنگی بالیگ ءُ ڈرون تر ءُ گرد کنگ ءَ اَنت

تربت ءَ چہ زورگیریں پاکستانی لشکر ءِ جنگی بالیگ ءُ ڈروناں دوشی ادار سےَ ءُ نیم ءَ بال کتگ ءُ دیم پہ دشت ءَ شتگ اَنت ھما اِنت لشکرکشی برجاہ اِنت- گیشیں ھالانی رِد ءَ کیچ ءِ ھند تُمپ ءُ دشت ءِ میانجی کوہ مزنبند ءَ پاکستانی لشکر ءِ لشکرکشی برجاہ اِنت، جنگی بالیگ ءُ ڈرون تر ءُ گرد کنگ ءَ اَنت۔ اھوالکارانی ءِ رد ءَ کترینز، بانسر، چرپان ءُ کلگ ءَ جنگی بالیگ ءُ چاریگ بالگرد دوشیگین اِنت کہ ھمے جاگھاں تر ءُ گرد کنگ ءَ اَنت۔انگت دگہ ھچ وڑیں تاوان ءِ ھال نیست۔ یات بہ دار اِت کہ یک مزنیں مُدتے بیت کہ سرجمیں بلوچستان ءَ پاکستانی لشکر کوھی دمگاں لشکرکشی کنگ ءُ لشکرکشی ءِ میان ءَ جنگی بالیگ ءُ ڈرون ھم کارمرد کنگ ءَ اِنت-