کابل
طالبان سرکار ءَ بُرتگ ءُ 24 بلوچ باھوٹی دزگیر کنگ ءَ پد پنھانیں جاھے ءَ بُرتگ اَنت۔
بنشون ءِ رد ءَ آدینگ ءِ سُھب ءِ ادار چار ءَ تالبان پولیس ءَ ابید دگہ سادہ پوشاکیں مردماں بیڑ بُرتگ چہ کابُل ءِ دمگ ھوزہ پنجم کوچہ کالا ءَ جھمنند بیتگیں دو درزن ءَ گیش بلوچ باھوٹی دزگیر کُرتگ۔ گسانی سر ءَ بیڑ برگ ءِ میان ءَ زھگ ءُ جنین دلسیاہ کنگ ءُ دراھگ ءِ بیھار دیگ بیتگ اَنت۔
ایشانی تہ ءَ لھتیں مردم اکوامتھدہ ءِ باھوٹیانی لڑ ءَ یاداشت بیتگ اَنت ءُ آدگراں ارزی داتگ۔
بی این ایم ءِ رسانکدری کارگشاد دلمراد ءَ ھم تران کُرتگ ءُ گْوشتگ مارا بژن اِنت کہ بلوچ باھوٹی دزگیر کنگ ءُ پنھانیں جاھے ءِ برگ بیتگ اَنت۔
آئی گْوشتگ کہ مار ھمے اُمیت اِنت کہ تالبان سرکار اوگان دودانی پاسداری ءُ جھان ءَ گیشینتگیں باھوٹیانی اگبالانی ھیال ءَ دار ایت ءُ بلوچ باھوٹیاں زوت یلہ کنت۔
