تربت ( نامہ نگار ) شال سے تربت کے رہائشی شہزاد ولد منیر احمد، سکنہ ہیرونک
لواحقین نے ان کی عدم بازیابی کے خلاف آج پھر ایم-8 شاہراہ کو بلاک کر کے دھرنا دے دیا ہے جس کے باعث ٹریفک معطل اور مسافروں کو شدید مشکلات کا سامنا ہے۔
لواحقین کا کہنا ہے کہ 5 نومبر کو انھیں کوئٹہ سے لاپتہ کیاگیا ،متعدد دن گزر جانے کے باوجود شہزاد کے بارے میں کوئی معلومات فراہم نہیں کیے گئے، جس کی وجہ سے وہ مجبور ہو کر انہوں نے احتجاج کا راستہ اختیار کیا۔ مظاہرین نے مطالبہ کیا ہے کہ لاپتہ نوجوان کو فوری طور پر بازیاب کرایا جائے یا اس کی گمشدگی سے متعلق واضح معلومات فراہم کی جائیں۔
واضح رہے کہ اس سے قبل گزشتہ تین دنوں تک سی پیک شاہراہ کو دو خواتین کی مبینہ جبری گمشدگیوں کے خلاف بلاک کیا گیا تھا۔ جمعرات کی شام ڈپٹی کمشنر کیچ بشیر احمد بڑیچ کی جانب سے خواتین کی جلد بازیابی کی یقین دہانی کے بعد مذاکرات کامیاب ہوئے جس کے نتیجے میں دھرنا ختم کر دیا گیا تھا۔