کابل ( نامہ نگار ) افغان میڈیا کے مطابق ایران جانے کی کوشش میں 30 افغان شہری سردی سے جاں بحق
ذرائع کے مطابق، ایک گروپ جو غیر قانونی طور پر ایران میں داخل ہونا چاہتا تھا، وہ سخت سردی کے باعث ہرات کے قریب گولڈسمتھ سرحدی علاقے میں جاں بحق ہو گئے۔
تاحال جاں بحق افراد کی درست تعداد معلوم نہیں ہو سکی، لیکن ذرائع کے مطابق اب تک کم از کم 30 لاشیں ملی ہیں۔
افغان سرکاری حکام نے اس واقعے پر ابھی تک کوئی بیان جاری نہیں کیا۔ ذرائع کے مطابق افغان حکام آج اس واقعے کے اعداد و شمار جاری کریں گے۔