تربت (بیورو رپورٹ) مند سے ایک شخص کی لاش برآمد۔ پولیس ذرائع کے مطابق مند کے علاقہ کوہ ڈگار گوک سے ملنے والی لاش کی شناخت مسلم ولد نعمت اللہ سکنہ ھوزئی مند سے ہوئی، مقتول کو چند روز قبل نامعلوم مسلح افراد نے اغوا کر لیا تھا۔ پولیس واقعے سے متعلق مزید تفتیش کررہی ہے۔
دوسری جانب بلیدہ کے علاقے ڈبک اچانک بازار میں نامعلوم مسلح افراد کی فائرنگ سے دادین نامی شخص جاں بحق ہوگیا۔ ذرائع کے مطابق حملہ آوروں نے اچانک بازار میں فائرنگ کی جس کے نتیجے میں دادین موقع پر ہی دم توڑ گیا، جبکہ ملزمان واقعہ کے بعد فرار ہونے میں کامیاب ہوگئے۔
دریں اثنای دشت سے لاش برآمد ، لیویز ذرائع کے مطابق دشت کے علاقہ مکسر سے ایک لاش ملی ہے جس کی تاحال شناخت نہیں ہوسکی ہے۔ لاش کو ضروری کارروائی اور شناخت کے لیے ہسپتال منتقل کیا۔