کوئٹہ( بلوچستان ٹوڈے ) ضلع واشک عبد الستار ولد حمزہ سکنہ کاشاناپ تحصیل ناگ ضلع واشک نامی نوجوان کے اہلخانہ کے مطابق وہ 15 ستمبر 2025 کو پنجگور سے گوادر کیلئے نکل گیا تھا جو کہ تا حال لاپتہ ہے جس کو عبد الستار کے بارے کوئی معلومات ہو اس نمبر پر اطلاع کریں 03167881363
بلوچستان میں جبری گمشدگی کے شکار ہونے والے چار افراد بازیاب ہو کر اپنے گھروں کو پہنچ گئے ۔
کوئٹہ اور مستونگ سمیت مختلف علاقوں سے بازیاب ہونے والوں میں سیاسی کارکنان اور عام افراد شامل ہیں۔
بازیاب ہونے والے افراد میں بسم اللہ قمبرانی، جو 16 ستمبر کو کوئٹہ سے جبری گمشدگی کے شکار ہوئے، جواد بلوچ، عنایت اللہ ولد دُر محمد، بلوچ اسٹوڈنٹس آرگنائزیشن مستونگ زون کے رہنما غلام علی بلوچ جو 22 جون کو لاپتہ ہوئے تھے شامل ہیں۔
خیال رہے کہ بلوچستان میں جبری گمشدگیوں کا مسئلہ کئی دہائیوں سے انسانی حقوق کی تنظیموں، سیاسی کارکنوں اور متاثرہ خاندانوں کے لیے ایک بڑا چیلنج رہا ہے۔ مقامی و بین الاقوامی انسانی حقوق کے ادارے بارہا مطالبہ کرتے رہے ہیں کہ ان واقعات کی شفاف تحقیقات کی جائیں اور ذمہ داروں کو کٹہرے میں لایا جائے۔