پنجگور ( ویب ڈیسک) مقبوضہ بلوچستان کے علاقہ پنجگور سے تعلق رکھنے والے قابض پاکستانی فورسز کے ہاتھوں جبری لاپتہ دوست محمد کے والدہ جو گزشتہ تیرہ برس سے اپنے لاپتہ بیٹے کی واپسی کی منتظر تھیں، بالآخر دل میں جدائی کا درد لیے اس دنیا سے رخصت ہو گئی۔
یاد رہے دوست محمد ولد عطا محمد، پنجگور کے علاقے پروم کے رہائشی اور عمان آرمی میں تھے، جو چھٹیاں گزارنے اپنے آبائی علاقے آئے ہوئے تھے ،انہیں 2012 میں کراچی انٹرنیشنل ایئرپورٹ سے نامعلوم افراد نے اغوا کر لیا۔ اُس دن کے بعد سے آج تک اُن کا کوئی پتہ نہیں چل سکا۔
دوست محمد کی گمشدگی کے بعد ان کی والدہ نے ہر در کھٹکھٹائی، عدالتوں کی چکر کاٹی، احتجاجی کیمپوں میں شرکت کی، ہر جگہ اپنے بیٹے کی تصویر اٹھاتی نظر آئیں۔ مگر انصاف نہ مل سکا۔
دوست محمد کے والد عطا محمد، اپنے جوان سال بیٹے کی راہ تکتے تکتے اس دنیا سے پہلے رخصت ہو گئے تھے۔ آج اسکی والدہ بیٹا کی جدائی کا درد لئے اس دنیا سے رخصت ہوگئی۔