کوئٹہ ( پریس ریلیز) بلوچستان گڈز ٹرک اونرز ایسوسی ایشن کے ترجمان کے جاری بیان کے مطابق آج ہمارے احتجاج کا چھٹا روز ہے جو کہ کامیابی سے جاری ۔
انھوں نے کہاہے کہ بلوچستان کے چاروں طرف بارڈر پر ٹرکوں کی لمبی لمبی قطاریں کھڑی ہیں رضاکارانہ طور پر اور اس احتجاج میں ٹرک مالکان ٹرک ڈرائیور رضاکارانہ طور پر اور بخوشی مسلسل اس میں شمولیت کر رہے ہیں اس احتجاج کو ہر صورت میں کامیاب بنائیں گے چاہے اس کے لیے جتنی بھی قربانی دینا پڑے ہمارے احتجاج کی وجہ سے پورے پاکستان پر اثرات پڑ رہے ہیں ۔
ترجمان نے کہاہے کہ یہ احتجاج تب تک جاری رہے گا ، جب تک ہمارے جائز مطالبات جس میں بھاری ٹرانسپورٹ کے ڈرائیوروں کو باعزت سفر کرنے اور جگہ جگہ چیک پوسٹوں پر تنگ کرنے ٹرکوں سے استعمال کے ڈیزل نکالنے موٹروے پنجاب پٹرولنگ کے ناجائز چالان ڈرائیوروں پر ایف ائی آر اور غیر ضروری چیک پوسٹوں کے خاتمے اہم مسئلہ ایکسل لوڈ لمٹ ان تمام جائز مطالبات کو حکومت تسلیم کریں ۔
انھوں نے کہاہے کہ سوموار سے انتہائی سخت لائے عمل اختیار کریں گے جس کی تمام تر ذمہ داری پاکستان حکومت پر عائد ہوگی ۔