گوادر ( مانیٹرنگ ڈیسک )بلوچستان مکران ڈویژن گزشتہ تین دن سے تاریکی میں ڈوب گیا ہے ۔
تفصیلات کے مطابق ایران سے مکران کو بجلی کی سپلائی 3 دن سے معطل ہے مکران کے تینوں اضلاع گوادر، کیچ اور پنجگور تاریکی میں ڈوب گئے ہیں ۔
کیسکو ذرائع کے مطابق جیونی پولان ٹرانسمیشن لائن اور جیکی گور مند ٹرانسمیشن لائنوں سے جمعہ کی شام 7بجے سے بجلی کی فراہمی معطل ہو گئی ہے ، تاہم ابھی تک وجوہات معلوم نہ ہو سکے ہیں ۔