کیچ ( مانیٹرنگ ڈیسک ) کیچ کے مرکزی شہر تربت میں بلوچ اسٹوڈنٹس ایکشن کمیٹی بساک تربت زون کی جانب سے لاپتہ طالب علم سمیع بلوچ اور فصیح بلوچ کی جبری گمشدگی کو تین سال پورے ہونے اور گزشتہ روز اسلام آباد سے 10 طلباء کو لاپتہ کرنے کے خلاف ایک احتجاجی ریلی نکالی گئی ۔
ریلی میں طلباء و طالبات کے علاوہ
بلوچ یکجہتی کمیٹی، جبری لاپتہ افراد کے لواحقین،سول سوسائٹی سمیت شہریوں نے شرکت کی ۔
جنہوں نے ہاتھوں میں بینرز اور پلے کارڈز اٹھا رکھے تھے ۔
ریلی گورنمنٹ عطاء شاد ڈگری کالج تربت سے شروع ہوکر شہید فدا چوک پہنچا ۔
شہید فدا چوک پر بلوچ یکجہتی کمیٹی کے رہنما صبغت اللہ شاہ جی اور لاپتہ افراد کے فیملی ممبران نے خطاب کرتے ہوئے مطالبہ کیا کہ تمام لاپتہ افراد کو فوری بازیاب کیا جائے ۔
انہوں نے کہا کہ 10 ۔ 10 سال سے بلوچ نوجوان لاپتہ ہیں ان کی لواحقین کرب اور اذیت سے گزر رہے ہیں ۔