قلات ( مانیٹرنگ ڈیسک ) قلات تحصیل نرمک میں گزشتہ شب نامعلوم مسلح افراد کی فائرنگ سے تین 3 سگے بھائی ھلاک ہوگئے ۔ قتل ہونے والوں کا تعلق لہڑی قبیلے سے ہے۔
بتایا جارہاہے کہ منگچر؛ سب تحصیل جوہان کے نواحی علاقے نرمک میں گزشتہ شب نامعلوم مسلح افراد کی فائرنگ سے تین سگے بھائی شریف اللہ ، عظمت اللہ اور سہراب پسران حبیب اللہ اقوام لہڑی کو نامعلوم مسلح افراد نے فائرنگ کرکے قتل کردیا اور فرار ہوگئے ۔
واقع کے محرکات معلوم نہیں ہوسکے ہیں۔
واقع کے بعد مقامی انتظامیہ موقع واردات پر پہنچ کر نعشیں ہسپتال منتقل کردیا اور تفتیش شروع کردی ۔
ادھر بلوچستان کے علاقے ہرنائی میں کوئلہ لے جانے والے ٹرکوں پر نامعلوم افراد کی فائرنگ سے تین افراد ہلاک جبکہ ان کے حفاظت پر مامور دو پولیس اہلکار زخمی ہوگئے ہیں ۔
بتایا جارہاہے کہ حملہ آوروں نے پانچ ٹرکوں کو بھی آگ لگا کر نذر آتش کردیا ہے ۔