دکی ( مانیٹرنگ ڈیسک ) بلوچستان دکی میں نامعلوم افراد نے پاکستانی فورسز کی گاڑی کو بم حملے جبکہ تجابان میں تعمیری کمپنی کے مشینری کو نشانہ بنایا۔
اطلاعات کے مطابق نامعلوم مسلح افراد نے پاکستانی فورسز کی گاڑی کو دکی کے علاقے مندے ٹک کے مقام پر نشانہ بنایا جس کے نتیجے میں تین اہلکار زخمی ہوگئے۔
پولیس نے حملے کی تصدیق کرتے ہوئے کہا ہے کہ بم دھماکے میں کیو آر ایف کی گاڑی کو نشانہ بنایا گیا ہے۔ جس کے نتیجے میں تین اہلکار زخمی ہوئے۔
حملے کی زمہ داری تاحال کسی تنظیم نے قبول نہیں کی ہے۔
ادھر ضلع کیچ کے علاقہ تجابان میں تعمیراتی کمپنی کے سائٹ پر حملہ، مشینری پر فائرنگ، تفصیلات کے مطابق تجابان ایریا میں مسلح افراد نے نجی تعمیراتی کمپنی کےسائٹ پر حملہ کر دیا ،مشینری پر فائرنگ کردی جس سے بھاری مشینریز کے ٹائر پھٹ گئے۔واقعہ کے بعد مسلح افراد فرار ہونے میں کامیاب ہو گئے ۔
مذکورہ حملے کی ذمہداری بھی کسی مسلح تنظیم نے قبول نہیں کی ہے ۔