کیچ ( مانیٹرنگ ڈیسک ) بلوچستان ضلع کیچ تربت سے پاکستانی فورسز نے 9 موسیقاروں کو اغواء کرلیا ۔
تفصیلات کے مطابق گزشتی رات نو بجے کے قریب پاکستانی فورسز نے کیچ کلچر سینٹر پر چھاپہ مارکر استاد عارف مزار سمیت سینٹر کے پورے عملہ کو گرفتار کرلیا۔
علاقائی ذرائع کے مطابق پوری رات پاکستانی فورسز نے مذکورہ فنکاروں حبس بے جا میں رکھ کر ابھی پولیس کے حوالے کردیا ہے۔
فنکاروں کی گرفتاری پر عوامی حلقوں نے فورسز کو شدید تنقید کا نشانہ بنا رہے ہیں۔ جبکہ ضلعی انتظامیہ نے فنکاروں کے اغواء بعدازاں گرفتاری ظاہر کرنے کے حوالے سے تاحال کوئی موقف پیش
نہیں کیا ہے۔