بلوچستان کے ضلع خاران سے پاکستان فورسز نے 4 افراد کو حراست میں لے کر لاپتہ کردیا جبکہ جبری لاپتہ تین افراد بازیاب ہوگئے ہیں ۔
لاپتہ ہونے والوں کی شناخت ارشاد ولد امین اللہ ، داؤد ولد محمد انور اور امین اللہ ولد عبدالقادر کے ناموں سے ہوا ہے۔
جنہیں خاران جنگل ایریا کلی رحمت اللہ میں پاکستانی فورسز نے گھروں پر چھاپہ مار کر حراست میں لیا ہے۔
اس طرح خاران سے ایک اور شخص کی گمشدگی کی اطلاع ہے۔ بتایا جارہاہے کہ دوپہر دو بجے خاران بازار سے امان اللہ محمد حسنی کو انکے دکان سے مسلح افراد نے اغوا کرکے اپنے ساتھ لئے گئے ہیں ۔
دریں اثناء ضلع کیچ کے تحصیل بلیدہ سے پاکستانی فورسز کے ہاتھوں لاپتہ تین نوجوان بازیاب ہوکر اپنے گھروں کو پہنچ گئے ہیں ۔
بازیاب ہونے والے افراد میں اکرم، عبدالمالک اور صلاح الدین ساکنان چھب بلیدہ شامل ہیں۔ خاندانی ذرائع نے انکی رہائی کی تصدیق کی ہے ۔