گوادر پسنی میں طالب علم نے خودکشی کر لی ،آمدہ اطلاعات کے مطابق پسنی کے علاقہ سردشت کلانچ سے میٹرک کے طالب علم جنید ولد صمد نے گلے میں پھندا ڈال کر خودکشی کر لی ، تاہم خودکشی کی وجوہات سامنے نہ آسکے ، ذرائع کے مطابق خودکشی کا واقعہ منگل کے روز مغرب کے بعد پیش آیا۔
آپ کو علم ہے گزشتہ روز جامعہ بلوچستان کے ہاسٹل میں چراغ نامی نوجوان نے ہاسٹل کمرے کے پنکھے میں پھندا ڈال کر خودکشی کر لیاتھا ۔
ادھرہرنائی کوئلہ کان میں حادثہ ایک کانکن جان بحق، لیویز کے مطابق شاہرگ ملک ولائت حسین کول کمپنی کے کوئلہ کان میں پاﺅں پھسلنے سے ایک کانکن کان میں گر کر ھلاک ہوگیا ۔
جان بحق کانکن کا تعلق حاجی محمد ولد متین قوم سواتی سکنہ سوات خوازہ خیلہ خیبر پختونخوا سے بتایا جاتاہے ۔
کانکن کی نعش کوکوئلہ کان سے نکال کر رورل ہیلتھ سنٹر شاہرگ منتقل کردیا گیا۔ ضروری کارروائی کے بعد لاش ورثا کے حوالے کیاگیا۔
علاوہ ازیں حب شہر کے نواحی علاقہ گوٹھ شیخ ابراہیم کے قریب دو گروپوں میں مسلح تصادم کے نتیجے میں اقبال شیخ نامی ایک شخص زخمی ہوگیا۔ جسے فوری حب اسپتال میں ابتدائی طبی امداد دینے کے کراچی منتقل کردیا گیا ۔
واقعہ کے حوالے سے ایس ایچ او حب سٹی کا کہنا ہے کہ دو گروپوں میں تصادم ہوا ہے اور ملزم کی بھی نشاندہی ہوگئی ہے پولیس واقعہ کی تحقیقات کررہی ہے۔
شال جناح ٹاﺅن میں خالی پلاٹ سے نشے کے عادی شخص کی نعش برآمد ہوا ہے۔ پولیس کے مطابق جناح ٹاﺅن پولیس کے پیر اور منگل کی درمیانی شب اطلاع ملی تھی کہ جناح ٹاﺅن کے خالی پلاٹ میں ایک نعش پڑا ہے ۔ جسے تحویل میں لے کر ہسپتال پہنچایا گیا ۔ جہاں ضروری کارروائی کے بعد نعش کو شناخت کیلئے مردہ خانے میں رکھ دیا گیا پولیس نے بتایا ہےکہ نعش نشے کے عادی شخص کی ہے ۔
دریں اثناء او تھل میں تیز رفتاری کے باعث ٹر یفک حا دثہ 1شخص ھلاک 6زخمی ہو گئے ۔ ریسکیو 1122 مرک کے زرائع کے مطابق اوتھل سے تقریباً 40 کلومیٹر دور مین قومی شاہراہ پر تیز ی رفتاری کے باعث گاڑی اور ٹریکٹر کے درمیان حا د ثہ پیش آیا جس کے نتیجے میں 1شخص ھلاک 6 افراد میر چن، ارچن، احمد۔ ولد محمد۔خان۔گلزار اور محمد زخمی ہوگئے۔
جنہیں فوری ہسپتال منتقل کر دیا گیا جہاں ضر وری کا روائی کے بعد نعش ورثا ء کے حو الے کر دیاگیا ۔