کیچ کے علاقہ بلیدہ میں پاکستانی فوج آج دوسرے روز بھی فوج کشی میں مصروف مزید 2 افراد جبری لاپتہ
فورسز مختلف مقامات پر ناکہ بندی کرنے سمیت علاقوں میں پیش قدمی کررہے ہیں۔
تفصیلات کے مطابق کیچ کے علاقہ بلیدہ میں گزشتہ روز سے جاری فوج کشی کے دوران فورسز نے مزید دو افراد کو جبری لاپتہ کردیا ہے جن کی شناخت حفیظ ولد حمید اور داد جان ولد اسماعیل اور ایک نامعلوم شخص سکنہ گردانک کے ناموں سے ہوا ہے۔
ذرائع کے مطابق گذشتہ شب گیشتگ، گردانک کے مقام پر پاکستانی فورسز نے فوج کشی دوران ایک زمباد گاڑی پر فائرنگ کیاتھا ۔جس کے نتیجے میں دو افراد کے جانی نقصانات کی اطلاعات ہیں جبکہ مذکورہ گاڑی اسی مقام پر کھڑی ہے اور گاڑی میں خون کے دھبے موجود ہیں۔
آپ کو علم ہے رات گئے مذکورہ علاقہ سے دو افراد کے جبری گمشدگی کی رپوٹ موصول ہوئی تھی ۔