بلوچستان ضلع قلات تحصیل منگچر میں کلوئی اور لانگو قبائل کے درمیان جھڑپ کے دوران دو افراد ھلاک ہو گئے، خبر کے مطابق منگچر میں کلی گوہر خان ایریا میں لانگو اور کلوئی قبائل کے درمیان مسلح جھڑپ ہوئی ۔ جھڑپ کے دوران دو افراد ھلاک ہوئے ہیں۔
واقع کے بعد مقامی انتظامیہ موقع پر پہنچ کر نعش تحویل میں لیکر ہسپتا ل منتقل کردیا اور واقع کی تفتیش شروع کردی ۔
علاوہ ازیں شال میں نامعلوم افراد نے فائرنگ کر کے ایک شخص کو قتل کر دیا ، اطلاع کے مطابق شال نواں کلی میں نامعلوم افراد نے فائرنگ کر کے ایک شخص کو قتل کر دیا ، ملزمان فائرنگ کے بعد فرار ہو گئے ،واقعے کی اطلاع ملتے ہی پولیس موقع پر پہنچ گئی اور تحقیقات کا آغاز کردیا ۔تاہم قتل کی وجوہات
معلوم نہیں ہوسکے ہیں۔
مکران، کوسٹل ہائی وے پولیس کی گاڑی حادثے کا شکار، دو اہلکار زخمی
۔ تفصیلات کے مطابق مکران کوسٹل ہائی وے پر کنڈملیر ہوٹل کے قریب کوسٹل ہائی وے پولیس دلتوس چیک پوسٹ کی گاڑی حادثے کا شکار ہوا۔ حادثے میں فضل اور
نجیب نامی دو اہلکار زخمی ہوئے۔
حادثہ اس وقت پیش آیا جب جمعرات کو کوسٹل ہائی وے پولیس اہلکار کنڈملیر ہوٹل راشن لینے کے لیئے جا رہے تھے ،جس دوران روڈ پر کتا آنے کے سبب گاڑی موڑ کاٹتے ہوئے الٹ گئی۔ تاہم دونوں زخمیوں کو بذریعہ ریسکیو 1122 اوتھل روانہ کر دیا گیا ہے ۔