بلوچستان کے ضلع قلات میں لیویز تھانہ دستی بم دھماکے میں لیویز اہلکار زخمی ہو گیا، لیویز ذرائع کے مطابق دھماکہ حادثاتی تھا کیوں کہ حادثہ روزنامچہ میں موجود مواد کو ترتیب دینے کے دوران پیش آیا ۔
حادثے میں زخمی کانسٹیبل کو ڈی ایچ کیو میں طبی امداد دینے کے بعد مزید علاج کیلئے شال منتقل کردیا گیا ہے۔
بلوچستان کے علاقے سنجاوی ہرنائی مین شاہراہ پر کوئلہ لے جانے والے ٹرک پر نامعلوم افراد کی فائرنگ سے ٹرک ڈرائیور
ہلاک ہوگیا۔
لیویز کا دعوی ہے کہ انھوں نے فائرنگ کے تبادلے کے دوران 2 مسلح افراد کو اسلحہ سمیت گرفتار کرلیا ہے ، جبکہ 2 مزید مسلح افراد موقع سے فرار ہونے میں کامیاب ہوگئے ہیں ۔
علاوہ ازیں حب کے رہائشی ہوٹل میں قیام پذیر جھاؤ ضلع آواران سے تعلق رکھنے والے عاصم نامی جامعہ بلوچستان کے ایک نوجوان طالب علم نے ہوٹل کے کمرے میں پنکھے سے
پھندا لگا کر خودکشی کرلی ہے۔
تاہم خودکشی کی وجوہات معلوم نہیں ہوسکیں۔