خضدار کی تحصیل وڈھ تحصیل نال و گر دو نواح میں زلزلے کے جھٹکے، متعدد گھروں کی دیواریں گر گئیں، ایک خاتون زخمی، زلزلے کی شدت 5.5 ریکارڈ کی گئی ۔
تفصیلات کے مطابق پیر کہ شام کو سوا پانچ بجے خضدار کے مختلف علاقوں وڈھ نال فیروزآباد میں زلزلے کے جھٹکے محسوس کئے گئے۔
وڈھ کے علاقہ باڈڑی میں زلزلے کی شدت زیادہ تھی جہاں گھروں کے دیوار گرگئے اور ایک گھر کی چھت گرنے سے خاتون زخمی ہوگیا۔ زلزلے کے باعث لوگوں میں خوف و ہراس پھیل گیا۔
زلزلے کا مرکز خضدار شہر سے 160 کلومیٹر دور جنوب مغرب میں تھا جبکہ اس کی گہرائی 60 کلو میٹر تھی۔ زلزلے کے جھٹکے محسوس ہونے پر لوگوں میں خوف وہراس پھیل گیا اور لوگ خوف زدہ ہوکر کلمہ طیبہ کا ورد کرتے ہوئے گھروں سے باہر نکل آئے۔
اس حوالے سے اطلاعات ہیں کہ زلزلے کے باعث خضدار اور گردونواح میں کئی مقامات پر کچے مکانات منہدم اور سڑکوں میں دراڑیں پڑ گئیں۔