کوہلو بلوچ یکجہتی کمیٹی کے ترجمان نے جاری بیان میں کہاہے کہ تربت سے یہ کاروان اب کوہلو پہنچ چکا ہے ،لیکن ہر جگہ ریاست رکاوٹیں کھڑی کرکے پرامن لانگ مارچ کو روکنے کی بھرپور کوششیں کر رہی ہے۔
انھوں نے کہاہے کہ ایک پرامن لانگ مارچ اور جبری گمشدگیوں کے شکار لواحقین سے خوفزدہ یہ ریاست لانگ مارچ کو ڈی جی خان جانے سے روکنے کیلئے بواٹہ چیک پوسٹ پر بڑی تعداد میں نفری تعینات کر رہی ہے۔
ترجمان نے بیان میں کوہلو، بارکھان اور ڈی خان سمیت گرد و نواح کے علاقوں کے تمام بلوچوں سے اپیل کی ہے کہ اس لانگ مارچ میں کل اپنی شرکت یقینی بناتے ہوئے ڈی جی خان تک لانگ مارچ کافلے کا حصہ بنیں، تاکہ پہلے کی سازشوں کی طرح یہاں بھی سازشوں کو ناکام بنایا جائے،۔
انھوں نے کہاہے کہ ریاست پرامن لانگ مارچ کے سامنے رکاوٹیں کھڑی کرکے لوگوں کے دلوں سے پرامن جدوجہد کے خلاف مزید نفرتیں پیدا کر رہی ہے۔ کل کوہلو سمیت تمام بلوچ یکجا ہوکر لانگ مارچ سے ڈی جی خان جائیں گے جہاں ہزاروں لوگ لانگ مارچ کے کافلے کا انتظار کر رہے ہیں۔