دالبندین،ڈھاڈر فائرنگ ایک شخص ھلاک ایک زخمی ،شال مچھ روڈ حادثات دو افراد ھلاک

دالبندین ظہور کالونی دالبندین میں نامعلوم موٹر سائیکل سواروں کی فائرنگ سے نوجوان حافظ عبدالوحید  ولد عبدالغنی قبیلہ سمالانی نامی شخص ھلاک ہوگیا ۔ تاہم یہ معلوم نہیں ہوسکا ہے  کہ انھیں کیوں قتل کردیا گیا ہے ۔ 

ڈھاڈر کولپور بازار میں نامعلوم مسلح افراد کی دکان پر فائرنگ سے محمد حمزہ کرد نامی شخص شدید زخمی ہوا ہے تاہم یہ معلوم نہیں ہوسکا ہے کہ انھیں کیوں نشانہ بنایا گیا ہے ۔

دریں اثناء شال ،جبل نور مغربی بائی پاس موٹر سائیکل اور ٹریلر کے درمیان تصادم میں نامعلوم موٹر سائیکل سوار  شخص موقع پر ھلاک ہوگیا  ۔جسے ہسپتال پہنچادیا گیا ،پولیس کو ورثا کی تلاش ہے ۔

بولان مچھ مقامی  ھوٹل کے قریب گاڑی بے قابو ہوکر کھائی میں جاگری جس سے ایک شخص ھلاک دوسرا زخمی ہوگیا ۔