جیکب آباد کے قریب تھانہ مبارکپور کی حدود میں واقع گاوں گل پسندبنگلانی کے رہائشی 30 سالہ نوجوان گلاب بنگلانی کو نامعلوم مسلح افراد نے سیاہ کاری کے الزام میں فائرنگ کرکے قتل کردیا اور موقع سے فرار ہوگئے ۔
اطلاع پر حدود کی پولیس نے پہنچ کر لاش کو تحویل میں لیکر ضروری کاروائی کے بعد ورثہ کے حوالے کردیا۔
حب ہا ئیٹ ایر یا میں دو گروپوں میں تصادم، 4افراد زخمی تفصیلا ت کے مطابق پو لیس تھا نہ ہا ئیٹ کے ایریا میں رکشہ اورمو ٹرسائیکل کے آپس میں ٹکر ا گئے جس کے بعد دونو ں گروپو ں میں تصادم کے نتیجے میں 4افراد زخمی ہو گئے زخمیوں میں اقبال ، نو ر محمد ، امان اللہ اور نیک محمد شامل ہیں زخمیو ں کو علاج معالجے کے لیئے سول ہسپتا ل حب منتقل کر دیا گیا ہے۔
خضدار کے علاقہ سب تحصیل زیدی میں موٹر سائیکل اور ویگن کے درمیان خطرناک تصادم سے 2افراد ہلاک اورکئی زخمی ہوگئے۔
حادثے میں مزید ہلاکتوں کا خدشہ ظاہر کیاجارہا ہے۔
حادثہ میں متعدد لوگ بھی زخمی ہوگئے ہیں۔
ویگن سندھ سے خضدار اور موٹرسائیکل سوار خضدار سے کھوڑی جارہے تھے۔
دوسری جانب شال کراچی شاہراہ سونمیانی وندر کے علاقے ناکہ کھارڑی کے قریب مین ایکو شاہراہ پر ٹوڈی کار اور ٹرالر کے مابین تصادم کے باعث ٹوڈی کار میں سوار شوکت علی، امان اللہ اور صدام دین ولد ولی خان زخمی ہوگئے۔زخمیوں میں سے صدام دین ولد ولی خان زخموں کی تاب نہ لاتے ہوئے چل بساجبکہ دیگر دونوں زخمیوں کو ریسکیو سینٹر 1122 وندر کے عملے نے طبی امداد کی فراہمی کے بعد مزید علاج کے لیے ایدھی فانڈیشن کے ایمبولینس کے ذریعے کراچی ریفر کر دیاگیا۔
علاوہ ازیں ضلع گوادر کے ساحلی شہر پسنی کلگ کراس کے مقام پر ڈمپر گاڑی اور موٹر سائیکل کے درمیان تصادم کے نتیجے میں موٹر سائیکل سوارانور ولد موسیٰ نامی شخص موقع پر ہلاک جبکہ نور محمد ولد گل محمد نامی شخص شدید زخمی ہو گیا جس کی حالت تشویشناک بتائی جارہی ہے ۔