کراچی سے راولپنڈی جانے والی ہزارہ ایکسپریس کی 7 بوگیاں نواب شاہ کے قریب پٹری سے اتر گئیں جس کے نتیجے میں 15 افراد ھلاک اور 50 سے زائدافراد زخمی ہوگئے ہیں ۔
ڈی ایس ریلوے محمود الرحمٰن کا کہنا ہے کہ ہزارہ ایکسپریس کو حادثہ سرہاری ریلوے اسٹیشن کے قریب پیش آیا ہے۔
انھوں نے کہاہے کہ 7 سے 8 بوگیاں ڈی ریل ہوکر پلٹ گئی ہیں۔حادثے کے باعث اپ ٹریک پر ٹریفک معطل ہے۔
مقامی پولیس کے مطابق ہزارہ ایکسپریس میں سوار مسافروں کو بوگیوں سے نکالنے کا کام جاری ہے۔
ایدھی فاؤنڈیشن کنٹرول روم کے مطابق حیدرآباد، نواب شاہ، میرپور خاص، سکھر اور قریب کے سینٹروں سے ایدھی کی درجنوں گاڑیاں جائے وقوعہ پر روانہ کی گئی ہیں۔