بلوچستان کے مختلف اضلاع میں شدید بارش، نشیبی علاقے زیر آب

زیارت اور گردونواح میں موسلا دھار بارش،  زیارت اور گردونواح میں شدید اور موسلا دھار بارش سے نشیبی علاقے زیر آب آگئے۔ دکی، ہرنائی، لورالائی اور ملحقہ علاقوں میںبھی موسلا دھار بارش۔ شیرانی، دہانہ سر، ژوب اور کے پی کے سرحدی علاقوں میں بھی شدید بارش۔ اس حوالے سے پی ڈی ایم اے نے الرٹ جاری کرتے ہوئے ہدایت کی کہ بین الصوبائی شاہراہوں پر سفر کر نے والے مسافر احتیاط کریں۔

ادھر  قلات شہر و گردونواح کے علاقوں گرانی ڈھلو چھپر نیمرغ ہربوئی نیچارہ کپوتو سرخین سمیت دیہی علاقوں میں جمعہ کے روز گرج چمک کیساتھ موسلا دھار بارش ہوئی جوکہ رات تک جاری رہی تیز اور دیر تک جاری رہنے والی بارشوں سے نشیبی علاقے زیر آب آنے سیلابی ریلے آنے سے مختلف دیہی علاقوں کو جانے والی رابطہ سڑکوں کو نقصان پہنچنے کی اطلاعات ملی ہے جبکہ گلیوں میں پانی تالاب کا منظر پیش کرنے لگا لوگوں کو آنے جانے میں مشکلات رہی، دوسری جانب اس شدید بارش سے گرمی کا زور ٹوٹ گیا اور موسم خوشگوار ہوگیا۔