کوئٹہ : بی این پی کے مرکزی کال پر وڈھ میں مخدوش صورتحال پر کوئٹہ سمیت بلوچستان بھر میں مکمل شٹرڈاون ہڑتال جاری ، ہڑتال کے باعث کوئٹہ کے تمام کاروباری مراکز بند رہے جس سے لوگوں کو روزمرہ اشیا خورد نوش کے لیئے شدید مشکلات کا سامنا رہا ہڑتال کی حمایت مقامی انجمن تاجران نے بھی کی تھی۔ ہڑتال کے موقع پر کوئی ناخوشگوار واقع رونما نہیں ہوا اور سیکورٹی کے انتظامات بھی کئے گئے پارٹی کے ضلعی آرگنائزر و دیگر نے کہا کہ آج کے کامیاب شٹرڈاون ہڑتال ان قوتوں کے منہ پر تماچہ ہے جو جان بوچھ کر بلوچستان کے سیاسی ماحول کو خرابی کی جانب لیجا رہے ہیں اور بی این پی اور انکی ہردلعزیز قیادت کو زیر کرنے کے لیئے ناکام حربے استعمال کر رہے ہیں ان رہنماوں نے کہا کہ بی این پی ایک سیاسی جماعت ہے اور سردار اختر جان مینگل بلوچستام کے عوام کے دلوں کی دھڑکن بن چکی ہے بلوچستان کا ہر فرد سردار اختر جان مینگل کے خلاف کسی بھی سازشوں کو قبول نہیں کرتی ہے بلکہ انکے ساتھ ہے حکومت وقت اور غیر جمہوری قوتیں وڈھ میں جاری مخدوش صورتحال کا نوٹس لیکر بلوچستان کو مزید بدامنی کی جانب دھکیلنے کے عمل کو روک دے۔