کوہاٹ میں انڈس ہائی وے پر ٹریفک کے المناک حادثے میں خواتین اوربچوں سمیت17
مسافرھلاک متعدد زخمی ہوگئے ۔ ریسکیو ذرائع کے مطابق جمعرات کی شب کوہاٹ انڈس ہائی وے پر ٹنل کے قریب مسافر ہائی ایس کوچ اور ٹرالر میں تصادم ہوا، حادثہ اس قدرشدید تھا کہ کوچ میں سوارمسافروں کے جسم کے ٹکڑے ٹکڑے ہوگئے۔
بتایا جارہاہے کہ کوچ جنوبی وزیرستان سے پشاورآرہی تھی، اور راستے میں حادثے کا شکارہوگئی۔ حادثے کے بعد ریسکیو 1122کوہاٹ کی امدادی ٹیمیں جائے وقوعہ پہنچیں ۔ جہاں پر حادثے میں ھلاک اورزخمیوں کوفوری طورپرڈی ایچ کیوہسپتال منتقل کیا گیا۔حادثے میں دونوں گاڑیاں تباہ ہوگئیں ۔نعشوں کی حالت بہت خراب بتائی جارہی ہے۔
دریں اثناء بلوچستان کے ضلع نوشکی بازار میں جمعہ کے الصبح نامعلوم مسلح افراد نے فائرنگ کرکے عبدالباقی جمالدینی نامی شخص کو قتل جبکہ محمد گل جمالدینی کو زخمی کر دیا اور فرار ہوگئے ، زخمی اور نعش کو ٹیچنگ ہسپتال منتقل کردیا گیاہے