دالبندین تالو لانڈھی کے قریب بارتگزی کے مقام پر آر سی ڈی شاہراہِ پر تین تیز رفتار سامان سے لوڈ ایرانی زمبیاد گاڑیوں میں تصادم سے شاہ نذر،عبد الخالق، گل محمد نامی افراد موقع پر ھلاک ہوگئے جبکہ 3 افراد شدید زخمی ہوگئے ہیں ۔
حادثے کے اطلاع ملتے ہی مقامی انتظامیہ نے موقع پر پہنچ کرزخمیوں کو دالبندین ہسپتال پہنچایا،جنہیں ابتدائی طبی امداد دینے کے بعد مزید علاج کیلئے شال ریفر کردیا گیا۔
ھلاک ہونے والے افراد میں سے ایک کا تعلق ڈسٹرکٹ خضدار کے تحصیل وڈھ دوسرے کا تعلق تحصیل چاغی اور تیسرے کا تعلق افغانستان سے بتایا جارہاہے ۔
دریں اثناء حب ریور روڈ مواچھ گوٹھ کے قریب نامعلوم تیز رفتار گاڑی کی ٹکر سے 30سالہ اسماعیل رشید ولد عبدالرشید نامی ایک موٹر سائیکل سوار شخص ھلاک ہواہے ۔
جسکی نعش ایدھی ایمبولینس کے ذریعے سول اسپتال ٹراما سینٹر منتقل کردی ہے