تمپ پاکستانی فورسز شھید بانک کریمہ بلوچ کی قبرکو پختہ نہیں کرنے دیتی،خاندانی ذرائع

 

کیچ :  پاکستان کی فورسز تمپ میں واقع   شھید بانک کریمہ بلوچ   کی قبر کو پختہ  کرنے  نہیں دیتی،  انھوں نے دھمکی دی ہے کہ اگر انھیں پختہ کی گئی تو وہ گھروں سمیت بانک کی قبرکو بھی بلڈوز کریں گے ۔ یہ بات بانک کی اہلخانہ سمیت علاقائی ذرائع  نے ریڈیو زرمبش  کو بتائی ہے ۔ 

خاندانی ذرائع کا کہناہے کہ تین روز قبل انھوں نے قبر کو پختہ کرنے کیلے   سیمنٹ، بلاک سمیت دیگر لوازمات لائے ہیں ،مگر فورسز انھیں کام کرنے نہیں دیتے ۔

انھوں نے کہاہے کہ فورسز نے کام کرنے والے مستری کو کیمپ بلاکر دھمکی دی ہے کہ اگر انھوں نے قبر کو پختہ کرنے کا کام کیا ،تو  وہ انھیں نہ صرف لاپتہ بلکہ انکے بیوی بچوں کو بھی نقصان پہنچانے سے گریز نہیں کریں گے ۔ 

خاندانی ذرائع نے یہ بھی بتائی ہے کہ انھیں بھی  فورسز نے دھمکی دی ہے کہ اگر انھوں نے قبر  پختہ کرنے کی غلطی کی تو وہ نہ صرف قبر بلکہ ان کی گھروں کو بھی بلڈوز کرکے مسمار کریں گے ۔

آپ کو علم ہے آج 21 دسمبر 2022 کو شہید بانک کریمہ بلوچ کی دوسری برسی ہے ۔ اور اس سلسلے میں بلوچ نیشنل موومنٹ ،بلوچ یکجہتی کمیٹی شال سمیت دیگر سیاسی سماجی تنظیموں  نے مختلف پروگرامز کے انعقاد کا اعلان کیا ہے ۔