حب گذشتہ روز صبح سویرے ایک اطلاع ملنے پر حب سٹی پولیس نے مشرقی بائی پاس سے 21سالہ وقار ولد مجاہد سکنہ نواب شاہ نامی ایک نوجوان کی نعش برآمد کر کے اسپتال حب منتقل کردیا ۔
پولیس کے مطابق ہلاک نوجوان نواب شاہ پولیس کے اے ایس آئی مجاہد کا بیٹا ہے ۔
پولیس کے مطابق نوجوان کو سر پر گولی مار کرہلاک کرنے کے بعد نامعلوم قاتل فرار ہو گئے ہیں ۔
پولیس کے مطابق ہلاک نوجوان منگل کے روز دن 12بجے نواب شاہ سے کراچی کیلئے روانہ ہوا اور شام 5بجے کراچی لیاقت آباد پہنچا جبکہ اس کے موبائل فون کی لوکیشن جمشید ٹاؤن کراچی میں ٹریس ہونے کے بعد موبائل سوئچ آف ہو گیا۔
حب سٹی پولیس کے مطابق نوجوان کی نعش ورثاکے حوالے کردی گئی ہے تاہم فی الوقت ہلاکت کی کوئی وجہ سامنے نہ آسکی ہے۔
دریں اثنا منگچر کے علاقے شیخ حاجی کے مقام پر مسلح افراد کی فائرنگ سے دو افراد شاہنواز اور نواز زخمی ہوگئے ہیں ۔
زخمیوں کو مندے حاجی اسپتال منتقل کرنے کے بعد مزید علاج کیلئے مستونگ ہسپتال منتقل کردیا گیا ہے ، جہاں پر انہیں طبی امداد فراہم کی جارہی ہیں۔