کوئٹہ( ویب ڈیسک )
بلوچی اکیڈمی کی طرف سے مورخہ 5 ,6 اگست کو بلوچی اکیڈمی کمپلکس میں ایک دو روزہ سیمینار کا انعقادکیا گیاہے۔ سیمینار کے پہلے دن بلوچی زبان اور ادب کے محقق اور ادیبوں نے بلوچی قصّہ اور داستانوں کے بارے میں اپنے تحقیقی مقالے پڑھے گئے ۔
پہلا دن تین سیشنز پر مشتمل تھا جس میں پہلے سیشن قصّہ کے تعارف اور بلوچی قصّے کے مختلف پہلوئوں پر روشنی ڈالی گئی۔ دوسرے سیشن میں بلوچی داستانوں اور قصّوں کی زبان اور ان کے خصوصیات کے بارے میں مقالے پڑھے گئے ۔
جبکہ آخری سیشن میں بلوچی فکشن میں بچوں کے ادب اور خاص قصّوں کے علاوہ بلوچی قصّے پر جو تحقیقی کام کیا جاچکاہے، اس کے بارے میں معلومات دی گئیں ۔
سیمینار کے پہلے روز رزاق نادر، علی گوہر، ثانیہ امجد، شرف شاد، ڈاکٹر عبدالصبور بلوچ، اقبال ظہیر، رازق راج اور عبداللہ دشتی نے اپنے تحقیقی مقالے حاضرین کے سامنے پیش کیے۔
بلوچی اکیڈمی کی جانب سے منعقدہ اس سیمینار میں محققین، ادیبوں اور طلبہ کی کثیر تعداد نے شرکت کی۔
سیمینار میں پڑھے جانے والے تحقیقی مقالوں کی کتاب بھی حاضرین کو دی گئی ، جس میں پیش کئیے جانے والے مقالوں کو کتاب کی شکل میں شائع کیا گیا تھا ۔
