شال( اسٹاف رپورٹرز سے )
بلوچ جبری گمشدہ افراد اور شہداء کے بھوک ہڑتالی کیمپ کو 4736 دن ہوگئے
اظہارِ یکجہتی کرنے والوں میں پی ٹی ایم پشین کے کارکنان نور محمد اچکزئی، قطب خان کاکڑ سمیت دوسرے سیاسی اور سماجی کارکنان نے شرکت کی
کوئٹہ میں آج سارے دن بارشوں کی وجہ سے کیمپ کا آدھا حصہ پانی سے بھرا ہوا تھا، جہاں ماما قدیر بلوچ شدید مشکلات کے باوجود کیمپ میں بیٹھے رہے، اس موقع پر وی بی ایم پی کے وائس چیئرمین ماما قدیر بلوچ نے کہا کہ پاکستانی ریاست نے بلوچ سرزمین پہ ظلم کہ انتہا کردی ہے، دنیا کے قوانین اور جینیوا کنونشن کی سراسر خلاف ورزی ہو رہے ہے، ہم بارہا اپیل کرتے آ رہے ہیں کہ اقوام متحدہ کو مداخلت کرکے اس ریاستی دہشت گردی کو روکنا ہوگا -
انہوں نے مزید کہا کہ بلوچستان میں فوجی بربریت، سرچ آپریشن کے نام پر لوگوں کے گھر بار جلانا، لوگوں کو غیر قانونی حراست میں لے کر لاپتہ کرنا اور انکو ماورائے عدالت قتل کرنے کا سلسلہ زور سے جاری ہے۔
