کوئٹہ سے نعش برآمد، پنجگور میں ایک شخص ہلاک

بلوچستان کے دارلحکومت کوئٹہ سے ایک شخص کی بر آمد ہوئی ہے۔ پو لیس کے مطابق جمعرات کو کوئٹہ کے علا قے جناح رود ٹیکسی اسٹینڈ سے نا معلوم شخص کی نعش ملی ہے جسے شناخت کے لئے سول ہسپتال منتقل کردیا گیا۔ مزید کارروائی جا ری ہے۔ دوسری جانب بلوچستان کے علاقے پنجگور میں مختلف حادثات و واقعات میں ایک شخص ہلاک جبکہ ایک زخمی ہوگیا۔ چتکان بازار پنجگور میں دکان کی چھت گرنے سے ایک شخصہلاک اور چار افراد زخمی ہوگئے۔ تفصیلات کے مطابق چتکان بازار میں دکان کی چھت گرنے سے نوراحمد ولد فیض محمد نامی شخص ہلاک ہوگیاجس کا تعلق حال چتکان زہری خضدار بتایا جارہا ہے۔ یوسف، محمد حسین، امجداورانور زخمی ہوئیجن کا تعلق صوبہ سندھ سے بتایا جارہا ہے۔ ہلاک نور احمد اور چاروں زخمیوں کو طبی امداد کے لیے ٹیچنگ ہسپتال منتقل کیا گیا۔ اور واقعہ میں پنجگور کے علاقے سوردو میں فائرنگ سے ایک شخص زخمی ہوااور نامعلوم افرادان کا موٹر سائیکل چھین کر فرار ہوگئے۔ پولیس ذرائع کے مطابق نادر نامی نوجوان موٹرسائیکل پر جارہا تھا کہ ڈاکوؤں نے ان سے موٹر سائیکل چھننے کی کوشش کی، مزاحمت پر ڈاکوؤں نے فائرنگ کرکے انہیں زخمی کرکے موٹر سائیکل چھین کر فرار ہوگئے۔ زخمی کواسپتال منتقل کردیا گیا