پروم ءَ پاکستانی لشکر ءِ شش کارمند ءِ کُشگ ءِ زِمہ واری ءَ منّ اِیں۔ بی ایل اِیپ

بلوچستان لبریشن پرنٹ ءَ پروم ءَ پاکستانی لشکر ءِ شش کارمند ءِ کُشگ ءِ زِمہ واری منّ اِتگ۔ بلوچستان لبریشن پرنٹ ءِ جارکشّ میجر گْوھرام بلوچ ءَ پروم ءَ یک لشکری گاڑی یے ءِ اُرش ءِ زِمہ واری منّ اِتگ ءُ گْوشتگ کہ مئے سرمچاراں مرچی آدینگ ءِ سُھب ءِ سر ءَ ساھت نُھ ءَ پنجگور ءِ ھند پروم کلیر کور ءَ لشکری گاڑی یے گوں چیر کُتگیں بارودی سرنگ ءَ نِشانگ کُرتگ کہ چہ آئی ءَ گاڑی تانسر ءَ تباہ بوتگ ءُ آئی ءِ سواریں شش پاکستانی پوجی کارمند مُرتگ ءُ دِگہ دو ٹپّی بوتگ۔ میجر گْوھرام بلوچ ءَ گْوشتگ کہ زُورگِریں لشکر ءَ را سرمچاراں  نپسیاتی پُروش ءَ دُچار کُتگ ءُ چہ سوبمندیں اُرش ءَ پد مُدامیگیں وڑ ءَ پاکستانی لشکر ءَ لس مھلوک نِشانگ کنگ ءِ کُوشست کُتگ۔ جارکشّ ءَ گُڈّی ءَ گْوشتگ کہ دُژمِنیں لشکر ءِ سر ءَ سرمچارانی اُرش داں زُور گِپتیں بلوچستان ءِ آجوئی ءُ وتواجھی ءَ برجاہ بَہ اَنت۔