کیچ ءِ دمگ دشت مزن بند ءِ کوہ پاکستانی لشکر ءَ گوں مزنیں کچّے ءَ چاریں نیمگاں انگر کتگ ءُ لشکرکشی کنگ ءَ اِنت-
دشت ءِ دمگ جالبار، پٹوک ءِ کئور، کھیر ءِ کئور، پنسن، نوکیں راہ، گورگی ھمے وڈ ءَ تمپ ءِ دمگ موس، اپس ء گر، کرپاسی، مزاتیگ ءَ ھوار دراھیں شیپ ءُ کئوراں پاکستانی لشکر کوہ ءِ توک ءَ پُترتگ ءُ ٹوھیں زوراکی یے کنگ ءَ اِنت-
جھلی لشکر ءِ ھواری ءَ چار جنگی بالگرد ھم لشکرکشی ءَ ھوار اِنت کہ سرجمیں روچ تیرگواری کنگ ءَ اَنت-
ھالکارانی رِد ءَ زوراکی ءَ مروچی پنچ روچ اِنت کہ یکشلا برجاہ اِنت وھدیکہ مروچی لشکرکشی ءِ توک ءَ گیشی آرگ بوتگ، دوشی تربت ءَ چہ لشکر ءِ ٹوھیں کاروانے دشت سبدان ءُ بل نگور ءِ بنجلاں سربوتگ-
پاکستانی لشکر ءَ سرجمیں راہ ءُ در بند کتگ اَنت ءُ کترینز والا راہ ھم بند کتگ-
