کوئٹہ:کوئٹہ میں گیس لیکج کے باعث دھماکے میں دو بچوں، دو خواتین سمیت چھ افراد زخمی ہوگئے۔ریسکیو اداروں کے مطابق کوئٹہ میں سریاب روڈ پر رہائشی علاقے میں گھر میں گیس لیکج سے دھماکا ہوا۔
دھماکے سے گھر میں موجود 6 افراد جھلس کر زخمی ہوگئے، جنہیں فوری طبی امداد کیلئے بولان میڈیکل کمپلیکس کے برن وارڈ میں منتقل کردیا گیا ہے۔ زخمی ہونے والوں میں دو خواتین، 2 بچے اور گھر کا سربراہ شامل ہیں۔
واضح رہے کہ اس سے قبل 5 جنوری کو کوئٹہ کے علاقے بلیلی میں گھر میں گیس لیک ہونے سے دھماکے میں 5 افراد جھلس کر زخمی ہوگئے تھے۔زخمیوں میں میاں بیوی اور تین بچے شامل تھے، جب کہ گیس لیکیج کا دھماکا اتنا شدید تھا کہ اس سے گھر کی چھت بھی گر گئی تھی۔
Share thi
