گوادر(نامہ نگار 
)گوادر سے تین بلوچ طالب علم لاپتہ،گوادر سے آمدہ اطلاعات کے مطابق گوادر یونیورسٹی میں زیر تعلیم رمیز بلوچ اور جمیل بلوچ سمیت 3طلباء لاپتہ ہو گئے ہیں،گوادر یونیورسٹی کے اہلکار نے انتخاب کے ساتھ بات چیت کرتے ہوئے بتایا کہ رمیز بلوچ اور جمیل بلوچ گوادر یونیورسٹی میں زیر تعلیم تھے، رمیزبلوچ یونیورسٹی کے ہاسٹل میں جبکہ جمیل بلوچ اپنے گھر میں رہائش پذیر تھے، مقامی ذرائع کے مطابق ایک اور نوجوان بھی لاپتہ ہوا ہے، خیال رہے کہ اس وقت گوادر میں مولانا ہدایت الرحمن بلوچ کی قیادت میں گوادر کو حق دو تحریک کے حوالے سے دھرنا بھی جاری ہے، جبکہ بلوچستان یونیورسٹی کوئٹہ بھی دو بلوچ طلباء کی گمشدگی کیخلاف احتجاجاً بند ہے۔