آواران: پاکستانی لشکر ءَ پیراندر ءَ بیڑ بُرتگ ءُ مردم لٹ شاپ کُرتگ ءُ گسانی گرانھادیں سامان پھلہتگن و دُز اِتگ اَنت*

*آواران: پاکستانی لشکر ءَ پیراندر ءَ بیڑ بُرتگ ءُ مردم لٹ شاپ کُرتگ ءُ گسانی گرانھادیں سامان پھلہتگن و

دُز اِتگ اَنت* دوشمبے، 25 اکتوبر 2021 آواران پیراندر ءَ پاکستانی لشکر ءَ بیڑ برتگ، مردمانی گسانی سامان زّر ءُ سھر لُٹ اِتگ اَنت۔ حانی بلوچ ءِ رد ءَ مرچی بامگواہ ءِ ادار چار ءَ پاکستانی لشکر ءَ پیراندر زیلگ ءَ بیڑ بُرتگ، مردمانی گسانی گرانھادیں سامان لُٹ پُل کُرتگ اَنت۔ بی بی روزان ءِ پازدہ سھر ءُ راج بی بی ءِ بیست سھر لشکر ءَ پُل اِتگ۔ راج بی بی ءِ سھر آئی ءِ بچک ءِ بیتگ اَنت کہ ھمے زوتاں آئی ءِ سور بیگ ءَ اِنت۔ بنشون ءِ رد ءَ گوں لُٹ ءُ پُل ءَ ھوار گسانی جنین ءُ زھگ ترسینتگ اَنت کہ شما گوں سرمچاراں ھال ءُ اھوال کنگ ءَ اِت۔ ما اگاں دومی بر ءَ آتکیں شمئے ھیر نہ اِنت، ما شمارا لَٹ شاپ کنیں ءُ بریں ءُ زندانی کنیں۔ آواران ءِ تہ ءَ اے اوّلی لُٹ ءُ پُل نہ اِنت، ھپتگے ءَ گیش کہ اِنت پاکستانی لشکر ءِ نیمگ ءَ اے درچ یکشلہ برجاہ اِنت۔ ھمک شپ یک میتگے ءَ بیڑ بارت ءُ مردمانی زّر ءُ سھراں برگ ءَ اِنت۔ مردماں ءَ پاتراپ دیگ بیگ ءَ اِنت اگاں کسے ءَ مئے ھال شنگ کرت، گڑا آ مردم وتی زھگ ءُ مالانی تاوان ءِ زمہ وار وت اِنت، ما گوں آئی ءَ ھر وڑیں زوراکی کنیں۔