فیصل آباد ٹریفک کے المناک حادثہ میں 3 سگی بہنیں جاں بحق
فیصل آباد:تھانہ باہلک کے علاقہ اوکاڑہ روڈ پر ٹریفک کے المناک حادثہ میں 3 سگی بہنیں جاں بحق‘بھائی بری طرح زخمی ہوگیا۔ پولیس نے نعشیں تحویل میں لیکر ہسپتال منتقل کردیں۔حادثہ کا مرتکب ہارویسٹر ڈرائیور کوگرفتار کر لیاگیا۔بتایا جاتا ہے کہ 54آر ساہیوال کا رہائشی ندیم اپنی 3شادی شدہ بہنوں 30 سالہ رسولاں بی بی زوجہ احمد علی‘25سالہ اکرم بی بی زوجہ محمد خان‘23سالہ اللہ معافی کے ہمراہ موٹرسائیکل کے ساتھ ریڑھی باندھ کر جا رہا تھا کہ جب وہ تھانہ باہلک کے علاقہ اوکاڑہ روڈ پر واقع اڑا کلیار کے قریب پہنچے تو پیچھے سے آنے والے ہارویسٹر کی ٹکر لگنے سے موٹرسائیکل سوار 3بہنیں اور بھائی بری طرح زخمی ہوگئے حادثہ کی اطلاع ملتے ہی ریسکیو 1122ٹیم موقع پر پہنچی تو دو بہنیں رسولاں بی بی اور اکرم بی بی زخموں کی تاب نہ لاتے ہوئے موقع پر دم توڑ چکی تھیں ریسکیو ٹیم نے مضروب اللہ معافی اور انکے بھائی ندیم کو طبی امداد کی غرض سے ہستپال پہنچایا جہاں یہ زخموں کی تاب نہ لاتے ہوئے تیسری بہن اللہ معافی بھی زندگی کی بازی ہارگئی پولیس نے موقع پر پہنچ کر نعشوں کو تحویل میں لیکر پوسٹ مارٹم کیلئے ہسپتال منتقل کرکے ہارویسٹر کے ڈرائیور کو گرفتار کر لیا۔#/s#